كل يوم هنتكلم عن موضوع جديد لصحه طفلك ..الجزء الثالث

مبروك الجزء الجديد ربنا يجعله خير على اولادنا يارب

مبروك الجزء الجديد و يارب يكون فيه نشاط يا بنات بقي

[BACKGROUND="70 #FFFFCC"]الطفح الجلدى فى الاطفال




الايام دى و مع الحر الفظيع اللى احنا فيه بيبقى من الشائع جدا ظهور طفح جلدى على جسم الطفل
بس مش اى طفح جلدى بيبقى سببه الحر و العرق
هنتكلم فى الموضوع ده عن بعض انواع الطفح الجلدى اللى ممكن تظهر على جسم طفلك



حمو النيل (الطفح بسبب العرق )


حموالنيل دا اكتر حاجه بنشوفها على الاطفال فى ايام الصيف الحارة
و سببه بيكون العرق الكتير
و بيظهر اكتر فى اماكن الاحتكاك الجلدى و الثنيات زى الرقبه و تحت الباط وخلف الركبه
وبين الرجلين
و بيظهر فى صورة احمرار او حبوب صغيرة جدا و التهاب فى الجلد و بيبب هرش جامد و احساس بالحرقان

ازاى تحمى طفلك منه؟

اهم حاجه تحاولى تخللى الطفل ميعرقش كتير و دا بانك تخففى من ملابسه فى الجو الحار
و تبعدى عن الملابس اللى مصنوعه من الالياف الصناعيه

و علاجه بيكون بمستحضرات ملطفه للجلد زى الكلاميل و الحالات اللى بتزيد فيها الاتهابات جامد ممكن تستعمل حاجه فيها كورتيزون او لو حصل عدوى بكتيريه بتحتاج مضااد حيوى


الجديرى المائى



الطفح الجلدى فى حاله الجديرى المائى بيبدا ببقع حمرا و بعدين بتكون حبوب و الحبوب دى بتملا ميه و بعدين تجف و تبدا تكون قشرة فى الوقت اللى بيكون فى حبوب تانيه بتتكون فى اماكن تانيه
فالاصابه بتكون متعدده الاشكال
و ممكن تظهر فى الفم او الحلق


و بعد ما بتقع القشرة بتسيب بقع غامقه او فاتحه مكانها و بتروح بعدها بفترة
طبعا الطفح الجلدى ده بيكون بسبب فيروس
و بيكون مصاحبه اعراض تانيه و هى ارتفاع فى الحرارة و ضعف و همدان فى الجسم
و فقدان الشهيه للطعام و ممكن الام فى المعده

و بيكون معدى جدا و خصوصا فى الفترة من قبل متظهر الحبوب بيومين لحد متكون قشرة
و بيتنقل من شخص للتانى عن طريق الرزاز او ملامسه الاصابه


و عاده المرض ده بيبقى مش خطير و بيروح من غير اى مضاعفات الا لو حصل فى شخص ضعيف المناعه

و بمجرد ما يصيب الطفل مرة بيكتسب الطفل مناعه ضده طول عمرة و بيظل الفيروس كامن فى الجسم



الحمى الورديه





الحمى الورديه برضه مرض فيروسى بيتنقل للطفل عن طريق الرزاز و بيكون اكتر انتشارا بين الاطفال فى الفترة بين 6 شهور ل سنتين

و بيبدا بارتفاع سريع فى الحرارة من غير سبب واضح و ممكن توصل لدرجات عاليه ممكن توصل ل 40 و بتستمر الحرارة 3 او 4 ايام و بعدين تبدا تختفى و مع اختفائها يبدا ظهور الطفح الجلدى و بيبدا فى الظهور فى منطقه الصدر و بعديها الاطراف و الرقبه

و بيستمر فترة 24 ساعه فقط و بعديها بتختفى
يعنى ظهور الطفح الجلدى بيكون علامه كويسه و اشارة لان الالمرض هينتهى فى خلال يوم





و يتبع المرة الجايه باقى انواع الطفح الجلدى









[/BACKGROUND]

دينا جزاكي الله خيرا حلو اوي الموضوع بتاع الطفح الجلدي ده


طب انا ساعات بلاقي عند اياد حبوب حمرا كده في دقنه لانه بيريل كتير وساعات اكون مش قاعده معاه فمش بمسحهاله باستمرار يعني لو انا ف المطبخ مثلا وهو شغال رياله ههههههههههههههه
بس مش بعمل فيها حاجه وشوية بتختفي وحدها وشوية تظهر تاني

موضوع جميل يا دودي.. دلوقتي آدم ان شاء الله يتم الشهر التاسع بعد خمس أيام.. و في تطعيم الست شهور كنت اتأخرت فيه يعني أطعم وهو سبع شهور الا كام يوم.. يأخذ التطعيم عادي لما يكمل التاسع علي طول ولا لما يكمل ثلاث شهور علي تطعيم الست شهور؟ وهو عبارة عن ايه و بيسخن بردو وكده؟

*Om Mo3az & Eyad*;15358111:
دينا جزاكي الله خيرا حلو اوي الموضوع بتاع الطفح الجلدي ده


طب انا ساعات بلاقي عند اياد حبوب حمرا كده في دقنه لانه بيريل كتير وساعات اكون مش قاعده معاه فمش بمسحهاله باستمرار يعني لو انا ف المطبخ مثلا وهو شغال رياله ههههههههههههههه
بس مش بعمل فيها حاجه وشوية بتختفي وحدها وشوية تظهر تاني

جزانا و اياكى يا منمن
ايوة فعلا الحبوب دى بتبقى بسبب الترييل و متعمليش ليها حاجه و لا تحطيلها اى حاجه

~OM-ADAM~;15358788:
موضوع جميل يا دودي.. دلوقتي آدم ان شاء الله يتم الشهر التاسع بعد خمس أيام.. و في تطعيم الست شهور كنت اتأخرت فيه يعني أطعم وهو سبع شهور الا كام يوم.. يأخذ التطعيم عادي لما يكمل التاسع علي طول ولا لما يكمل ثلاث شهور علي تطعيم الست شهور؟ وهو عبارة عن ايه و بيسخن بردو وكده؟

لا عادى يا بوسى اديله التطعيم فى معاده
هو اصلا تطعيم ال 9 شهور عبارة عن نقط شلل الاطفال و كبسوله فيتامين بياخدها فى بقه بس كده و مفيش اى سخونيه و لا قريفه

مبروك الجزء الجديد ياقمررر

ربنا يكرمك يا دينا يارب
انا كنت هسالك احط لها ايه هههههههههههههههه
اصلها زادت انهرده
جزاكي الله خيرا




طب سؤال مش ليا يا دندنه
لو واحده بتروح الشغل من 6 ل 7 ساعات وبتسيب البيبي من غير رضاعه الوقت ده كله بياخد صناعي ممكن رضعه واحده او اتنين لانه بيكون وقت نومه

هو كده ممكن اللبن ينشف او يقل عندها
غير طبعا الوقت اللي البيبي نايم فيه يعني بيرضع من البريست وقت قليل بس هي بتحاول طول ماهو صاحي بترضعه كتير
بس مش كتير عن احتياجه طبعا

كده عادي ولا ممكن اللبن ينشف

*Om Mo3az & Eyad*;15362392:
ربنا يكرمك يا دينا يارب
انا كنت هسالك احط لها ايه هههههههههههههههه
اصلها زادت انهرده
جزاكي الله خيرا




طب سؤال مش ليا يا دندنه
لو واحده بتروح الشغل من 6 ل 7 ساعات وبتسيب البيبي من غير رضاعه الوقت ده كله بياخد صناعي ممكن رضعه واحده او اتنين لانه بيكون وقت نومه

هو كده ممكن اللبن ينشف او يقل عندها
غير طبعا الوقت اللي البيبي نايم فيه يعني بيرضع من البريست وقت قليل بس هي بتحاول طول ماهو صاحي بترضعه كتير
بس مش كتير عن احتياجه طبعا

كده عادي ولا ممكن اللبن ينشف

بصي انا اقولك علي بيحصل معاياااا لانه قريب شويه عقبال دندنه ماتجي
هيا ليه تديه صناعي ماتشفط وتديه في الببرونه طبيعي وكده رضع طبيعي بتاعهاااا وكمان ساعدت ان اللبن ميقلش بتعمله اداره
انا بعمل لان احيانا بقااا عايزه انام وتعابنه وكمان عدي ادراه اللبن مش كبيره فاكتر التشفيط بيعمل اداره وكمان ابني غضبان علي صدري علشان بينقط ليه وهوا عايز غزاره فابيتعصب ويرفض صدري
ودندنه تقولك بقا علي المفيد
انا عندي ياام سماااا سؤالين معلش هتعبك
في ايه حبوب تاني غير هربانا للاداره اللبن لانها مش موجودجه في السوق انا كنت بشرب اعشاب سيكما للادراه ومش حاسه بيها بحاجه
كمان انا علشان قلت النوم والاراق علي طول عندي صداع نصفي وباخد في اليوم حبيتين كتافلام او ادول بس كل يوم لازم اخد حبيتين علي مدار اليوم بقالي اسبوع وخايفه علي النونو
هل في منهم ضررر لان مش بقدر استحمل الصداع عيني هتطلع من وشي ههههههه هيا وسناني
ومرسي ياقمررر مقدماااا وجعت دماغك

ساره تسلمي يا حبي جزاكي الله خيرا
اخبارك ايه وازي ولادك


بصي انا قلت لها فعلا حكاية الشفط دي بس هي قالت لي اصلا ان هي بترضعه وتشبعه جدا قبل ما تروح الشغل وبيكون صدرها فاضي لانه بيرضع طول الليل برضو
يعني هي بتقول لي بعد الست ساعات بتوع الشغل دول صدرها مش بيبقى مليان اوي بيبقى عادي يعني

*Om Mo3az & Eyad*;15363531:
ساره تسلمي يا حبي جزاكي الله خيرا
اخبارك ايه وازي ولادك


بصي انا قلت لها فعلا حكاية الشفط دي بس هي قالت لي اصلا ان هي بترضعه وتشبعه جدا قبل ما تروح الشغل وبيكون صدرها فاضي لانه بيرضع طول الليل برضو
يعني هي بتقول لي بعد الست ساعات بتوع الشغل دول صدرها مش بيبقى مليان اوي بيبقى عادي يعني

هيا عرفت من فين انه فاضي؟؟؟؟؟؟؟؟ لازم تشفط علشان تعرف مش هتقدر تحكم من الولد
كمان انا بيبقا فاضي وممكن اعد نص ساعه ولا ساعه علشان اشفط بس اهوا احسن من الصناعي
لان الدكتور كان قايلي رضعه صناعي بتقلل تاني يوم من انتاج اللبن اللي عندك وكل رضعه خارجيه تقلل من انتاجكك علشان كده بقول تشفط هوا متعب ومؤالم خصوصا لما يبقا اللبن قليل اووووي بس احسن من الصناعي لانه هياخد علي الصناعي لو استمر علي الموضوع ده شهر بس هتلاقيه رفض صدرهااا وهيا كترت وحده وحده من الصناعني لحد ماتستقر علي كل اليوم صناعي ومره طبيعي
ده بجد عن تجربه لان يوسف مورني الويل فيالموضوع الرضاعه مش قابل صدري خالص وانا بعد بلشفاط لحد مابستوي وبساعه علشانه

*Om Mo3az & Eyad*;15362392:
ربنا يكرمك يا دينا يارب
انا كنت هسالك احط لها ايه هههههههههههههههه
اصلها زادت انهرده
جزاكي الله خيرا




طب سؤال مش ليا يا دندنه
لو واحده بتروح الشغل من 6 ل 7 ساعات وبتسيب البيبي من غير رضاعه الوقت ده كله بياخد صناعي ممكن رضعه واحده او اتنين لانه بيكون وقت نومه

هو كده ممكن اللبن ينشف او يقل عندها
غير طبعا الوقت اللي البيبي نايم فيه يعني بيرضع من البريست وقت قليل بس هي بتحاول طول ماهو صاحي بترضعه كتير
بس مش كتير عن احتياجه طبعا

كده عادي ولا ممكن اللبن ينشف

اه لو قعدت الفترة دى من غير مترضع الجسم بيتاقلم انه بيقلل من افراز اللبن و عشان كده هيا دلوقتى مش بتحس ان صدرها مليان
الاحسن زى ما سارة قالت انها تحاول تشفط صدرها و لو عرفت فى الفترة اللى هيا فيها فى الشغل تعصر صدرها يبقى احسن

ساره افندي;15363516:
بصي انا اقولك علي بيحصل معاياااا لانه قريب شويه عقبال دندنه ماتجي
هيا ليه تديه صناعي ماتشفط وتديه في الببرونه طبيعي وكده رضع طبيعي بتاعهاااا وكمان ساعدت ان اللبن ميقلش بتعمله اداره
انا بعمل لان احيانا بقااا عايزه انام وتعابنه وكمان عدي ادراه اللبن مش كبيره فاكتر التشفيط بيعمل اداره وكمان ابني غضبان علي صدري علشان بينقط ليه وهوا عايز غزاره فابيتعصب ويرفض صدري
ودندنه تقولك بقا علي المفيد
انا عندي ياام سماااا سؤالين معلش هتعبك
في ايه حبوب تاني غير هربانا للاداره اللبن لانها مش موجودجه في السوق انا كنت بشرب اعشاب سيكما للادراه ومش حاسه بيها بحاجه
كمان انا علشان قلت النوم والاراق علي طول عندي صداع نصفي وباخد في اليوم حبيتين كتافلام او ادول بس كل يوم لازم اخد حبيتين علي مدار اليوم بقالي اسبوع وخايفه علي النونو
هل في منهم ضررر لان مش بقدر استحمل الصداع عيني هتطلع من وشي ههههههه هيا وسناني
ومرسي ياقمررر مقدماااا وجعت دماغك

اول سؤال فى حبوب زى الهيربانا اسمها لاكتوماكس خجيها بالاضافه للاعشاب


تانى سؤال الادول مفييش منه ضرر لكن الكتافلام حاولى متستعمليهوش كتير
استعملى لوجع الاسنان دنتوكالم دهان

*DONY*;15364254:
اه لو قعدت الفترة دى من غير مترضع الجسم بيتاقلم انه بيقلل من افراز اللبن و عشان كده هيا دلوقتى مش بتحس ان صدرها مليان
الاحسن زى ما سارة قالت انها تحاول تشفط صدرها و لو عرفت فى الفترة اللى هيا فيها فى الشغل تعصر صدرها يبقى احسن




اول سؤال فى حبوب زى الهيربانا اسمها لاكتوماكس خجيها بالاضافه للاعشاب


تانى سؤال الادول مفييش منه ضرر لكن الكتافلام حاولى متستعمليهوش كتير
استعملى لوجع الاسنان دنتوكالم دهان

مرسي يادندونه ربنا يخلييك سمااا
انا بستخد كتفلام علشان الصداع النصفي اللي هوا بيقوم الدنيا كلها مش للاسنان مخصوص هل فيه منه ضرر يومي اصل الصداع بيبقااا رهيببببببب

ساره ودينا ربنا يكرمكو يارب جزاكم الله خيرا


دينا طب انا دلوقتي بدي اياد رضعة مية رز وساعات مرتين
لاني حاسه اللبن بقى قليل ومش بيكفيه انا بحس ان صدري فاضي لما بضغط على النيبلز كده مش بينزل وهو بيرضع برضو مش بسمع صوته وهو بيبلع
طب رضعة مية الرز دي ممكن تقلل اللبن اكتر ؟
ولما يبدا ياكل كمان ماهو كده هيشبع ومش هيرضع زي الاول
كده عادي اللبن هيقل برضو

الف مبروك الجزء الثالث يا دندونة يا قمر ان دلوقتي يوسف ان شاء الله هيتم سنة يوم 19- 8 الجاي ان شاء الله ينفع ابدأ اديله اكل من اكلنا عادي عشان يتعود و بالنسبة للبن الصناعي بعد السنة بردو اكمل صناعي رقم 3 و لا اديله من اللبن العادي بتاعنا ايه رايك يا قمراية

ساره افندي;15364308:
مرسي يادندونه ربنا يخلييك سمااا
انا بستخد كتفلام علشان الصداع النصفي اللي هوا بيقوم الدنيا كلها مش للاسنان مخصوص هل فيه منه ضرر يومي اصل الصداع بيبقااا رهيببببببب

ايوة يا حبيبتى طبعا مينفعش تستعمليه كل يوم و انتى بترضعى متخديهوش الا فى الضرورة
و خليكى فى المسكنات الامنه زى البانادول او الابيمول

*Om Mo3az & Eyad*;15364392:
ساره ودينا ربنا يكرمكو يارب جزاكم الله خيرا


دينا طب انا دلوقتي بدي اياد رضعة مية رز وساعات مرتين
لاني حاسه اللبن بقى قليل ومش بيكفيه انا بحس ان صدري فاضي لما بضغط على النيبلز كده مش بينزل وهو بيرضع برضو مش بسمع صوته وهو بيبلع
طب رضعة مية الرز دي ممكن تقلل اللبن اكتر ؟
ولما يبدا ياكل كمان ماهو كده هيشبع ومش هيرضع زي الاول
كده عادي اللبن هيقل برضو

ايوة طبعا يا ايمى رضعه ميه الرز دى هتشبعه و هتخليه يستغنى عن وجبه لبن
و بعدين ميه الرز مفيهاش فايده ليه غير انها بتشبع بس
هو خلاص لما يكمل 4 شهور ابتدى دخليله وجبه طالما انتى حاسه ان اللبن مش بيشبعه
و طبيعى انك لما بتدخلى اكل بيبتدى اللبن يقل بس خلاص بقى مش هيبقى فى مشكله لانك هتعوضيه بالاكل

dandona om jou;15364682:
الف مبروك الجزء الثالث يا دندونة يا قمر ان دلوقتي يوسف ان شاء الله هيتم سنة يوم 19- 8 الجاي ان شاء الله ينفع ابدأ اديله اكل من اكلنا عادي عشان يتعود و بالنسبة للبن الصناعي بعد السنة بردو اكمل صناعي رقم 3 و لا اديله من اللبن العادي بتاعنا ايه رايك يا قمراية

الله يبارك فيكى يا دندونه كل سنه و يويو طيب و عقبال العمر كله
طبعا ابتدى دخليله اكل زى اكلنا هو ياكل كل حاجه بالنسبه للبن انتى ممكن تستغنى عنه باللبن العادى مع انى افضل انك تستمرى شويه كمان على الصناعى 3 عشان هو مش بيرضع طبيعى وممكن ده وده

طيب يا دينا ماهو ده اللي انا عاوزاااااااااه
يشبع وينام شوية حلوين لانه طول ما هو صاحي بيبقى عاوز ينام ومش بيعرف ينام من ميزو ههههههههههههه وطبعا كل شوية يرضع

انا لسه مش بدات معاه بالاكل والله مش عارفه ليه متردده ههههههههههههههههه
بس يعني ساعات ادوقه كده ميه التفاح اخليه يمصها مية البطيخ كده يعني


طب انا مش بشربه ميه خالص يا دندن
المفروض اشربه ولا عادي ؟

ممكن افهم هو ليه ادهم بيجنن لما اجى اقعد على الكمبيوتر وبيفضل يعيط وعاوز يقعد يخبط عليه ياكده يينكد عليا بعيطة الجامد اعمل ايه معاه دلينى وازى اخليه يسبنى بس شوية كده انا مبعرفشى اقعد على النت الا بالعافية منه

مرسي يادينا انا صدعتك معايااااا
ام ميزووو انا اول مره اسمع موضوع مايه الرز ده